Almatyda 4 jasar qyz tabyldy
ALMATY. QazAqparat - Búgin Almatyda saǵat 15:00-de Almaty qalasy ІІD Ákimshilik polıtsııasy basqarmasynyń mamandandyrylǵan batalonynyń ekıpajy Jibek joly kóshesi men Abylaı han dańǵylynyń qıylysynda jalǵyz júrgen balany baıqap qalady.
«Qyz jylap júrgenimen ózine nazar aýdartty. Oǵan baryp, sóıleskennen keıin, adasyp júrgenin túsindik. Ol anasy jaqyn dúkenderdiń birine kirgenin aıtty, biraq naqty qaı dúken ekenin aıta almady. Janymdaǵy áriptesimmen jaqyn ornalasqan birneshe nysandy aralap shyqtyq. Biraq áıeldi tappadyq. Qyzdyń aıtýynsha, onyń esimi Arýjan. Anasynyń aty Bota, balanyń shamamen jasy 4-te», - dep habarlady Almaty qalasy ІІD ÁPB mamandandyrylǵan batalonynyń aǵa ınspektory Juma Sultan.
Tártip saqshysy qyzdy Almaly aýdany ІІB-ǵa jetkizdi, balanyń anasyn izdep jatyr.
