Almatyda 4 jasar bala shuńqyrdaǵy sýǵa batyp kóz jumdy
ALMATY. QazAqparat- Almatyda 4 jasar búldirshin shuńqyrǵa jınalǵan sýǵa qulap, mert boldy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, qaıǵyly oqıǵa Alataý aýdanyna qarasty «Qarasý» shaǵynaýdanynda bolǵan.
«Bul jaǵdaı Alataý aýdandyq polıtsııa basqarmasynda tirkeldi. Qazirgi tańda sotaldy tergeý amaldary júrgizilip jatyr. Sot-medıtsınalyq saraptama taǵaıyndaldy. Sonymen qatar, zańmen kózdelgen protsessýaldyq áreketter bar. Qaıǵyly oqıǵanyń mán-jaıy tolyq anyqtalady. Mindetti túrde zań aıasynda jaýapty adamdarǵa shara qoldanylady»,- dedi Almaty qalalyq polıtsııa departamentiniń resmı ókili Saltanat Ázirbek.
BAQ betterinde jarııalanǵan aqparatqa súıensek, búldirshinniń ómirin qıǵan laı sýǵa toly shuńqyr bir aı buryn qazylǵan.
«Qarasý» yqshamaýdanyndaǵy káriz júıesin ortalyqtandyrý úshin osy jerde arnaıy stantsııa qurylysy bastalypty.
Jerasty sýy kedergi keltirgen soń jumysty ýaqytsha toqtatyp qoıǵan.
Búgin Almatyda nóser jaýyn jaýyp, qala aýmaǵynda birqatar kóshe men turǵyn úılerdiń aýlasyn sý basyp qaldy.
Megapolıste sý tasqynyn joıý úshin jedel shtab quryldy. Jańbyr men daýyl saldarynan 19 aǵash qulady. Bir avtokólik pen bir úı zardap shekti.
