Almatyda 4 sm qar jaýdy
ALMATY. QazAqparat - Almaty ákimdigi túnimen jaýǵan qardy tazalaý jumystaryn jalǵastyryp jatyr, dep habarlaıdy QazAqparat tilshisi.
Qalada túngi saǵat 23:00-der shamasynda jaýyn jaýyp, arty qarǵa ulasqan. Kesheli beri qalada 4 sm qar túsken.
«Qarbalas ýaqyttan soń qalada qar tazalaýǵa arnaıy 416 tehnıka men 1 045 jumysshy jumyldyryldy. Qala kóshelerinde 2 800 tonna kóktaıǵaqqa qarsy qum tógildi», - dedi qalalyq Tabıǵı resýrstar jáne tabıǵatty paıdalanýdy retteý basqarmasynan.
Aýdandyq ákimdikterde jáne qalalyq ákimdikte qardy tazalaý jónindegi jumystardy baqylaý boıynsha táýlik boıy kezekshilik uıymdastyrylady.
«Qazgıdromettiń» boljaýynsha, qar 13 qarashaǵa deıin jaýady.
Qala ákimdigi kóktaıǵaq bolýy yqtımal bolǵandyqtan, júrgizýshilerge abaı bolýdy eskertedi.
