Almatyda 4 otbasynyń shańyraǵy otqa orandy
ALMATY. QazAqparat - Almatyda 4 otbasynyń shańyraǵyn órt jalmady, dep habarlaıdy QazAqparat tilshisi.
Bul týraly qalalyq TJD baspasóz hatshysy Sandýǵash Baımuhambetova habarlady.
Tótenshe jaǵdaı Túrksib aýdanynda bolǵan.
«Zaslavskıı kóshesi 2 «A» mekenjaıyndaǵy úıdiń órtenip jatqany týraly habarlama 13:33-te túsken. Barak tıptes úıdegi №1,2,3,4 páterlerdiń ortaq shatyry otqa oranǵan. Tilsiz jaý japsarlas úılerdi de sharpýy múmkin bolǵandyqtan, órt sóndirýshiler asa joǵary daıyndyqpen kiristi. Órt 14:12-de sóndirildi», - dedi Sandýǵash Baımuhambetova.
Qyzyl jalyn 120 sharshy metrdi sharpyǵan.
Tótenshe jaǵdaıdan japa shekkender joq.
