Almatyda 4 kúnniń ishinde 4092 júrgizýshi jol qozǵalysy erejesin buzǵan
ALMATY. QazAqparat - Almatyda nebári 4 kúnniń ishinde jol qozǵalysy erejesin buzǵan 4092 júrgizýshi ákimshilik jaýapkershilikke tartyldy. Bul týraly búgin Almaty qalasy ákiminiń baspasóz qyzmetinen habarlady.
2015 jyldyń 14 - 17-shi jeltoqsany aralyǵynda QR Memlekettik kúzet qyzmeti men Almaty qalasynyń Іshki ister departamenti birqatar reıdtik sharalar ótkizdi.
Atalǵan kúnder aralyǵynda ІІD jol qozǵalysy qaýipsizdigin buzǵan 4092 adamǵa túrli ákimshilik sharalar qoldandy. Solardyń ishinde 46 adam kólikti mas kúıinde aıdasa, 103 adamnyń kóliginde memlekettik nómir bolmaǵan jáne 255 adam kóliginiń terezelerin tumshalap alǵany úshin ákimshilik jaýapqa tartyldy.
«Jol qozǵalysy erejesin buzýdyń basty faktory - jekelegen júrgizýshilerdiń tártipsizdigi. Olardyń keıbiri joǵary jyldamdyqpen júrse, bireýler jol belgilerine mán bermeıdi jáne tıisti normalardy saqtamaıdy. Sońǵy kezderi joǵary jyldamdyqpen júrgenin jasyrý úshin keıbireýler kóliginiń aldyńǵy nómirlerin alyp tastaıtyn bolyp júr», - deıdi qalanyń ІІD-niń ókilderi.
Keıbir jekelegen júrgizýshiler kólik shynylaryn kóleńkelep, jalpyǵa ortaq mindetterdi buzyp keledi. Al eń basty qaýip - ol kólikke mas kúıde otyrý. Sondyqtan, aldyn alý sharalaryn kúsheıtý qajet. Óıtkeni, quqyqtyq tártip bárimizge ortaq.
Esterińizge sala keteıik, 2015 jyly Almatyda jol qozǵalysy erejesin buzǵany úshin barlyǵy 308 myń azamat ákimshilik jaýapqa tartyldy. Olardyń 2153-i kólikti mas kúıinde júrgizgen, 3811 adamnyń kóliginde memlekettik nómir bolmaǵan, al 3929 júrgizýshiniń kóliginiń terezeleri tumshalanǵan.
