Almatyda 4 kólik soqtyǵysty
ALMATY. QazAqparat - Almatyda Shyǵys aınalma jolynda 4 kólik soqtyǵysty, dep habarlaıdy QazAqparat tilshisi.
Jol apaty Tóle bı kóshesinen soltústikke qaraı bolǵan.
Kýágerlerdiń aıtýynsha, shyǵysqa baǵyt alǵan Toyota Camry júrgizýshisi kólik tizginen aırylyp qalyp, Hyundai kóligimen soqtyǵysqan. Soqqydan qos kólik te aınalyp baryp sol baǵyttaǵy Audi kóligin soqqan.
Toyota Camry men Audi jol arasyndaǵy baǵan men jaryqtandyrý júıesine soǵylǵan. Olardyń artqy jaǵynda kele jatqan Toyota jol apatyn aınalyp ótpek bolǵanda jol shetindegi qorshaýdy ile ketken.
Bul jol apatynan Toyota Camry júrgizýshisi men Audi jolaýshysy zardap shekti. Ekeýin de jedel járdem aýrýhanaǵa jetkizdi.
