Almatyda 4 kishi stansa áli iske qosylǵan joq - daýyldyń saldary
ANA. 30 maýsym. QazAqparat - Almatyda áli 4 kishi stansa iske qosylǵan joq, dep habarlady Tótenshe jaǵdaılar mınıstrliginiń baspasóz qyzmetinen.
Esterińizge sala keteıik, 27 maýsymda Almaty oblysynyń aýmaǵynda aıaq astynan qatty daýyl bolyp, nóser jaýǵan edi. Tabıǵattyń tosyn mineziniń saldarynan kisi stansalar sónip qalyp, elektr symdary úzilgen. Daýyldyń ekpininen qulaǵan aǵashtar gaz qubyrlaryn da zaqymdady.
Oqıǵa saldarynan 95 aýdandyq transformatorlyq kishi stansa isten shyqqan bolatyn, 29 maýsym saǵat 19.00-daǵy jaǵdaı boıynsha Áýezov aýdanyndaǵy Qalqaman aýylynda 8 kishi stansa, Alataý aýdanyndaǵy Zarıa Vostoka kentinde 16 kishi stansa, Medeý aýdanynda 67 kishi stansa iske qosyldy. Medeý aýdanynda 4 kishi stansa áli iske qosylǵan joq. Jóndeý jumystaryn «Almaty Jaryq kompanııasy» AQ júrgizip jatyr.
