Almatyda 4 eldiń quramasy arasynda ótken halyqaralyq týrnır qazaqstandyq boksshylardyń jeńisimen aıaqtaldy
ALMATY. 20 aqpan. QazAqparat - Almatyda 14-18 aqpan kúnderi bokstan halyqaralyq týrnır ótti. Dostyq sport kesheninde ótken bul jarys Myrzaǵalı Aıtjanov jattyqtyratyn Qazaqstan quramasynyń jeńisimen aıaqtaldy.
Olar Frantsııa men Úndistan quramasyn 10:0 esebimen utyp, Nıkolaı Hromov baptaıtyn reseıliktermen 5:5 esebimen teń tústi. Týrnırde el namysyn Birjan Jaqypov, Qanat Ábýtálipov, Ǵanı Jaılaýov, Danııar Eleýsinov, Serik Sápıev, Danabek Sýjanov, Ádilet Nııazymbetov, Alekseı Sevostıanov, Qamshybek Qońqabaev pen Ivan Dychko qorǵaǵan bolatyn.
AIBA-nyń halyqaralyq dárejegi tóreshisi Nurbek Batyrov bastaǵan qazylar alqasynyń tóreligimen ótken bul jarysta Reseı quramasy Úndistandy 10:0, al Frantsııany 9:1 esebimen utqan bolatyn. Al Frantsııa men Úndistan boksshylary 5:5 esebimen teń túsken edi. Reseıliktermen bolǵan matchta 1 jekpe-jekte basym túskendikten frantsýzdar onda úshinshi oryn aldy.
