Almatyda 4 býkmekerlik keńse jaýapqa tartyldy

NUR-SULTAN. QazAqparat – Qarjylyq monıtorıng agenttiginiń Almaty qalasy boıynsha aýmaqtyq departamenti «PariMatch», «VK Triumph», «Favorıt» jáne «PROFITBetting» býkmekerlik keńseleriniń basshylaryn jaýapkershilikke tartty, dep habarlaıdy QazAqparat tilshisi.

Agenttiktiń baspasóz qyzmetiniń habarlaýynsha, bul mekemelerdiń laýazymdy tulǵalary zańsyz oıyn bıznesin uıymdastyrǵany úshin kináli dep tanyldy.

Tergeý býkmekerlik keńselerdiń basshylary zańdy bıznespen qatar, óz mekemeleriniń ishinde jasyryn onlaın-kazıno uıymdastyrǵanyn dáleldedi.

«Sot úkimimen «PariMatch» BK jáne «BK Triumph» BK laýazymdy tulǵalaryna az mólsherde tabys alýmen baılanysty tıisinshe 500 jáne 200 AEK aıyppul salyndy. «Favorıt» jáne «PROFITBetting» býkmekerlik keńseleriniń basshylary óz qyzmeti kezeńinde asa iri mólsherde zańsyz kiriske ıe bolyp, 4 jylǵa bas bostandyǵynan aıyryldy», delingen habarlamada.

Qylmystyq ister boıynsha sottalǵandardan tárkilengen múliktiń jalpy somasy 700 mıllıonnan astam teńgeni qurady.

Eske salsaq, maýsym aıynda Almatyda «Olımp» býkmeker keńsesiniń isi boıynsha sot úkimi shyqqan bolatyn. Al Mańǵystaýda bank qyzmetkeri klıentterdiń 90 mln teńgesin býkmeker keńse arqyly jymqyrǵan.