Almatyda №4 aýrýhananyń 1 bólimi karantınge jabyldy
ALMATY. QazAqparat - Almatyda №4 aýrýhananyń bir bólimshesi karantınge jabyldy, dep habarlaıdy QazAqparat tilshisi.
Qalalyq Qoǵamdyq densaýlyq saqtaý basqarmasynyń habarlaýynsha, bul aýrýhanada koronavırýs juqtyrǵan patsıent jatqan.
«Áıel adam 6 sáýirde anafılaktıkalyq shokpen túsken. Odan shuǵyl túrde koronavırýstan test alyndy. Nátıjesinde aýrý juqtyrǵany rastalmaǵan bolatyn. Alaıda qaıtalap teksergende koronavırýs bar ekeni anyqtaldy. Osyǵan baılanysta áıel Ftızıopýlmanologııa ortalyǵynyń provızorlyq ortalyǵyna jatqyzyldy», - dedi baspasóz qyzmetinen.
Epıdemıologııalyq kórsetilimge sáıkes qazir juqtyrǵan naýqas jatqan terapııa bólimshesi barlyq medıtsınalyq qyzmetkerleri men men patsıentterimen qosa karantınge jazyldy.
«Barlyǵynan koronavırýs taldaýy alyndy. Biraz analız qorytyndysy teris bolyp shyqsa, qalǵanynyń nátıjesi shyqqan joq», - dedi basqarmadan.
Aıta ketý kerek, qazir Almaty qalalyq ortalyq klınıkalyq aýrýhanasy tutas karantınge jabyldy.
Qazir qalada josparly dıspanserlik emdeý shekteldi.
