Almatyda 4 adam salmonellez juqtyrǵan
ALMATY. QazAqparat - Almatyda salmonellez juqpasynyń 4 deregi tirkeldi. Bul týraly qalalyq Qoǵamdyq densaýlyqty saqtaý departamentiniń baspasóz qyzmeti málimdedi, dep habarlaıdy QazAqparat tilshisi.
Byltyr ótkir ishek juqpasynan 127 adam zardap shekse, salmonellez juqpasyn 41 adam juqtyrǵan.
Aýyrǵandardyń arasynda 1-14 jasqa deıingi balalardyń úles salmaǵy 39,9% kórsetti.
Mamandardyń aıtýynsha, aýyrǵan adamdardyń kópshiligi arnaıy ruqsaty joq taǵam satý oryndarynan tamaq satyp alǵan.
Olardan alynǵan saýalnama nátıjesinde «Sary arqa» bazaryndaǵy «Sosıskı detskıe Bekkerenok» shujyqtary, Arystan men Barys bazaryndaǵy qııar men shalqan, Juldyz bazaryndaǵy jumyrtqalardan, Tastaq bazaryndaǵy sıyr etinen, Túrksib bazaryndaǵy qoı etinen ýlanǵany anyqtaldy.
«Bıyldyń ózinde 20 adam ótkir ishek juqpasyn, 4 adam salmonellez juqtyrǵan. Onyń ishinde 16 bala bar. Saýalnama nátıjesinde suralǵandardyń 18,6%-y Juldyz bazarynan shujyq, tartylǵan et, jumyrtqa, banan, júzim, alma satyp alyp jegen. Baısat bazary mańynan belıash, doner alyp tamaqtanǵan. Túrksib bazarynan taýyq etin alyp jegen», - dedi Departament basshysy Aızat Moldaqasymova.
Mamandar sanıtarlyq normalarǵa sáıkespeıtin oryndardan tamaq satyp alýdan saqtanýdy eskertedi.
