Almatyda 4 632 bala ınklıýzıvti bilimmen qamtyldy
ALMATY. QazAqparat- Almaty qalasynda ınklıýzıvti bilim beretin mektepterdiń sany artyp, qosymsha kabınetter jumys isteıdi. Bul týraly óńirlik kommýnıkatsııalar qyzmetiniń brıfınginde qalalyq bilim basqarmasynyń basshysy Lázzat Jylqybaeva málimdedi, dep habarlaıdy QazAqparat tilshisi.
Qaladaǵy 182 mektepte erekshe bilim berý qajettiligi bar balalarǵa jaǵdaı jasalǵan. 2023-2024 oqý jylynyń basynda qosymsha 16 mektepte ınklıýzıvti bilim berý baǵyty iske asyrylady.
«2020-2021 oqý jylynda 3672 bala ınklıýzıvti bilim berýmen qamtylsa, 2022-2023 oqý jylynda 4 632 bala qamtyldy. Qalanyń 185 mektebinde erekshe bilim berýge qajettilikteri bar balalardy qoldaý boıynsha kabınetter jumys isteıdi. Bilim berýdegi jańa tehnologııalardyń qalalyq ǵylymı– ádistemelik ortalyǵynyń bazasynda ınklıýzıvti resýrstyq ortalyq ashyldy», – deıdi Lázzat Jylqybaeva.
Sonymen qatar, ol bilim berýdegi jańa tehnologııalardyń qalalyq ǵylymı–ádistemelik ortalyǵynyń bazasynda ınklıýzıvti resýrstyq ortalyq (IRO) ashylǵanyn aıtty.
Sondaı-aq ınklıýzıvti bilim berýdi iske asyratyn jalpy bilim beretin mektepterdiń 600 pedagogynyń biliktiligin arttyrý kýrstaryn ótkizý josparlanýda.
«Qazirgi ýaqytta múmkindigi shekteýli balalarǵa arnaıy psıhologııalyq-pedagogıkalyq qoldaý kórsetetin jeke uıymdarda memlekettik bilim berý tapsyrysyn ornalastyrýǵa konkýrs jarııalandy», - dep atap ótti sóz sońynda spıker.
