Almatyda 4,4 myńnan astam medqyzmetkerge sáýir aıyna 1,5 mlrd teńge tólenedi
ALMATY. QazAqparat – Almatyda sáýirde koronvırýspen kúresip jatqan medıtsınalyq qyzmetkerlerge 1 mlrd 500 mln teńgeden astam ústemeaqy tólenedi. Bul týraly onlaın brıfıng barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«Qazir Almaty ákimdigi janynda koronavırýspen kúresip jatqan medıtsınalyq qyzmetkerlerge ústemeaqy taǵaıyndaý boıynsha arnaıy komıssııa jumys istep jatyr. Osy komıssııanyń sheshimimen naýryzda 3700 medıtsınalyq qyzmetkerge 1 mlrd 134 mln teńge tólengen bolatyn. Al sáýirde bul komıssııa 4400 astam medıtsınalyq qyzmetkerge 1 mlrd 500 mln teńgeden astam ústemeaqy tóleý týraly sheshim shyǵardy», - dedi Tileýhan Ábildaev.
Basqarma basshysynyń aıtýynsha, qazir koronavırýs juqtyrǵan medıtsınalyq qyzmetkerlerge ústemeaqy tóleý boıynsha basqa komıssııa qurylǵan.
