Almatyda 3860 tekshe metr qar qala syrtyna shyǵaryldy
Qar jaýa bastaǵan sátten kóktaıǵaqtyń aldyn alý úshin joldarǵa, qıylystarǵa, jolaıryqtarynyń kire beristerine muz eritetin untaqtar sebildi, jaýǵan qar sypyryldy. Jalpy, búgin 6,664 tonna kóktaıǵaqqa qarsy materıal paıdalanyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq «qaltalaryn», jer ústi ótkelderin, saıabaqtar men skverlerdi tazartý jumystary júrgizilip jatyr.
Qardy tazartý taýly, taý bókterindegi aýdandarda, sondaı-aq jaıaý júrginshiler aımaqtarynda júrgizildi. Qalada 3860 m3 qar syrtqa shyǵaryldy.
Qar tazalaıtyn kolonnalardyń qasynda jol polıtsııasy patrýldik mashınalarynyń erip júrdi.
Kúndiz 630 arnaıy tehnıka, onyń ishinde 234 qum laqtyrǵysh, 1907 jumysshytqar tazalaýǵa jumyldyryldy.
Túnde 116 samosval arqyly qardy jappaı tazartý jumystary júretin bolady. Bul ispen 510 jumysshy aınalysady.
«13-14 qańtar aralyǵynda túnde qardy jappaı syrtqa shyǵarý, qar tazartý jumystaryn jedel júrgizý úshin júrgizýshilerden kólikterin jol jıekterine qoımaýdy ári oǵan túsinistikpen qaraýdy suraımyz.
Qalada qar tazartýǵa kedergi keltiretin kólikterdiń evakýatormen basqa oryndarǵa aýystyrylatynyn eskertemiz», - dedi ákimdikten.
Polıtsııa túngi saǵat úshten bastap qalada 70-ten astam jol-kólik oqıǵasy bolǵanyn habarlaǵan edi.
Onyń 6-ynda adamdar zardap shekti.