Almatyda 383 medıtsına qyzmetkeri koronavırýs juqtyrǵan
ALMATY. QazAqparat - Almatyda koronavırýs ınfektsııasyn 383 medıtsına qyzmetkeri, 1 polıtsııa qyzmetkeri, 40 stýdent juqtyrǵan. Bul aqparatty búgin onlaın brıfıng barysynda qalanyń bas sanıtarlyq dárigeri Jandarbek Bekshın jarııalady, dep habarlaıdy QazAqparat tilshisi.
Onyń aıtýynsha, kóbinese ınfektsııany 20-29 jastaǵy jumysqa qabiletti adamdar juqtyrǵan.
«Búginde bul vırýstan eń az japa shekkenderdiń qatarynda polıtsııany aıtýǵa bolady. Blokposttaǵy bir polıtsııa qyzmetkeri juqtyrǵan. Jalpy qalada 693 jaǵdaı tirkeldi. 100 myń adamǵa shaqqanda aýrý kórsetkishi 33,9 %, adam ólimi - 0,7% bolyp otyr», - dedi ol.
Onyń aıtýynsha, 10 oqýshy, 40 stýdentten, shetelden kelgen 38 adamnan, UQK shekara qyzmeti akademııasynyń 67 kýrsantynan, 2 avıatsııa qyzmetkerinen, 40 zeınetkerden, 55 jumyssyz adamnan, 383 medıtsına qyzmetkerinen koronavırýs ınfektsııasy tabylǵan.
Sondaı-aq, Jandarbek Bekshın basqaryp otyrǵan departamenttiń 7 qyzmetkeri vırýs juqtyrǵany anyqtaldy.
0-14 jas aralyǵynda - 21 jaǵdaı, 15-19 jas aralyǵynda – 43, 20-29 jas aralyǵynda - 212, 30-39 jas aralyǵynda - 129, 40-49 jas aralyǵynda - 116, 50-59 jas aralyǵynda - 115, 60 jastan joǵary – 42 jaǵdaı tirkelgen.
