Almatyda 38 jastaǵy naýqas jasandy tynys alý apparatynan shyǵaryldy
ALMATY. QazAqparat – Almatyda koronovırýsqa shaldyǵyp, aýyr halde jatqan 38 jastaǵy er adam jasandy tynys alý apparatynan shyǵaryldy, dep habarlaıdy QazAqparat tilshisi.
Qalalyq qoǵamdyq densaýlyq saqtaý basqarmasynyń baspasóz qyzmeti habarlaǵandaı, bul patsıent 2 sáýirde koronavırýs dıagnozymen qalalyq juqpaly aýrýlar aýrýhanasyna jatqyzylǵan. Qos ókpesinde pnevmonııa bolǵandyqtan tynys alýy qıyndap, 8-shi táýlikte jasandy tynys alý apparatyna qosylǵan.
«Búgin jaǵdaıy jaqsarǵan soń apparattan shyǵaryldy. Qazir jaǵdaıy aýyr, birqalypty. Rentgen sýretinde ókpesiniń jaqsarǵany baıqalady», - dedi basqarma basshysy Tileýhan Ábildaev.
Búgin Almatyda Covid-19 ınfektsııasynan taǵy bir 25 jastaǵy áıel jazylyp shyqty.
Jalpy alǵanda indetten jazylǵandardyń sany 50-ge jetti.
