Almatyda №372 ýchaskedegi tirkelgen saılaýshylardyń teń jartysy daýys berdi
ALMATY. QazAqparat - Almatyda №372-shi saılaý ýchaskesinde tirkelgen 2 157 saılaýshynyń myńǵa jýyǵy qazirgi sátke deıin daýys berip qoıdy. Bul týraly jańa ǵana Almatyda №159-shy gımnazııada ornalasqan №372-shi saılaý ýchaskesiniń tóraıymy, osy gımnazııa dırektorynyń mindetin atqarýshy Elmıra Bıdaıbekova málimdedi.
«Búgingi saılaý naýqanyna saılaýshylar óte belsendi túrde qatysyp jatyr. Saılaý ýchaskesi tańerteń saǵat 07:00-de ashylǵan bolatyn. Bir qýanarlyǵy, saılaý ýchaskesi ashylmaı turyp kelip alǵandar boldy. Daýys berýge eń aldymen kelgen saılaýshyǵa men jasy 18-ge tolyp, birinshi ret daýys berýge kelgen saılaýshyǵa arnaıy kádesyıymyzdy usyndyq. Al endi bizdiń ýchaskede tirkelgen 2 157 saılaýshynyń myńǵa jýyǵy qazirgi sátke deıin tańdaýyn jasap, daýys berip qoıdy», - dedi E. Bıdaıbekova.
Sonymen qatar, ol úıde daýys beretin saılaýshylarǵa qatysty tıisti sharalar qoldanylyp jatqandyǵyn jetkizdi.
«Jalpy, bizde 15 saılaýshy úıde daýys berýge ótinish bildirdi. Biz olarǵa arnaıy tasymaldanatyn jáshikter aparyp, daýys berýlerine jaǵdaı jasadyq. Sondaı-aq, osy sátke deıin 30-ǵa jýyq esepten shyǵarý talonyn tirkedik. ıAǵnı, bul saılaýshylar talon boıynsha bizge kelip daýystaryn berdi. Al ózimiz bizdiń ýchaskede tirkelgen 10 adamǵa esepten shyǵarý talonyn berdik», - E. Bıdaıbekova.
