Almatyda 37 sheteldik deportatsııalandy
ALMATY. QazAqparat - Almatyda «Mıgrant» jedel profılaktıkalyq sharasy barysynda 37 sheteldik óz eline deportatsııalandy, dep habarlaıdy qazAqparat tilshisi.
Qalalyq ІІD baspasóz qyzmetiniń habarlaýynsha, atalǵan shara 24-30 shilde aralyǵynda zańsyz shekara asqan tulǵalardy anyqtaýǵa arnalǵan.
«Birinshi kúni 133 sheteldik jáne 22 Qazaqstan azamaty QR Kóshi-qon týraly zańnamasyn buzǵany úshin jaýapkershilikke tartyldy. Sheteldik azamattardy zańsyz jumysqa tartqany úshin 6 jumys berýshige qatysty ákimshilik hattama toltyryldy. Almaty qalalyq ІІD qabyldaý ortalyǵyna jeke basyn kýálandyratyn qujaty joq 65 adam jetkizildi. Almaty aýdanaralyq ákimshilik sotynyń sheshimimen 37 sheteldik azamat eline qaıtaryldy. Sonymen qatar, ótken táýlikte sot sheshimin oryndamaǵan sheteldik azamattarǵa qatysty qylmystyq is qozǵaldy», - dedi ІІD Kóshi-qon qyzmeti basqarmasy basshysynyń orynbasary Jandos Turysbekov.
Aptalyq barysynda saýda úıleri, dámhana, bazarlar, adam kóp shoǵyrlanǵan jerlerde tekserý júredi.
Almatyda barlyǵy jyl basynan beri 21 032 azamat ákimshilik jaýapkershilikke tartylsa, onyń 9 013-i sheteldik. Solardyń ishinde sot sheshimimen 1 266 sheteldik Qazaqstan shyǵaryldy.
