Almatyda 37 myńnan astam adam baspana kezeginde tur

ALMATY. QazAqparat – Almatyda 37 236 adam baspana kezeginde tur. Bul týraly Óńirlik kommýnıkatsııalar qyzmetiniń alańynda qalanyń kommýnaldyq ınfraqurylymdy damytý basqarmasynyń basshysy Danııar Qyryqbaev aıtty, dep habarlaıdy QazAqparat tilshisi.

Qazirgi tańda qalada 37 236 adam úıge kezekte tur. Kópbalaly analardan 4905 adam, jetim balalardan - 2210, áleýmettik osal toptardan - 16 999 , memlekettik qyzmetkerlerden 13 myńnan astam adam kezekte tur», - dedi spıker.

Aıtýynsha, jyl basynan beri 2623 azamat turǵyn úımen qamtamasyz etildi. Jyl sońyna deıin 5532 páter berý josparda bar.

«Onyń ishinde, 1451 – satyp alý quqyǵynsyz jalǵa beriletin turǵyn úı jáne 4081 – nesıelik turǵyn úı. Atap ótsem, jyl basynan beri 325 turǵyn úı sertıfıkaty berildi», - dedi Danııar Qyryqbaev.

Basqarma basshysy, 2022 jyldyń 14 shildesinen bastap Almaty qalasynyń Turǵyn úı saıasaty basqarmasy Almaty qalasynyń Kommýnaldyq ınfraqurylymdy damytý basqarmasy bolyp ózgergenin eske saldy.