Almatyda 36 jastaǵy kelinshek joǵalyp ketti
ALMATY. QazAqparat - Almaty oblysy Nura aýylynyń turǵyny 36 jastaǵy kelinshek Lázzat Syǵaeva joǵalyp ketti, dep habarlaıdy QazAqparat tilshisi.
Bul týraly Lázzattyń ápkesi Sarybatyrova Janat aıtty.
«19 kúni tańerteń saǵat 7:00-de sińilim kúndelikti sharýasyn jasap aýlada júrgen. Qoradan qoılardy shyǵarǵan, biraq sıyrlardy shyǵarmaǵan. Ol onyń aldynda kórshilermen urysyp qalǵan. Bul týraly úıdegiler aıtty. Sodan beri, mine, 4 kún ótti. Baýyrymyz ushty-kúıli joq. Dál esiktiń aldynan joǵalyp ketken», - dedi J. Sarybatyrova.
Lıazzattyń 21 jastaǵy uly bar. Óz ákesimen turady. Sol kúni ústinde qysqa jeń qara kúrteshe men qara sholaq shalbar bolǵan.
Atalǵan derek Almaty oblysy Talǵar aýdany ІІB qyzmetkerlerimen tirkeldi.
