Almatyda 36 jastaǵy er adam zeınetkerlerdiń altyn alqalaryn julyp alyp otyrǵan
ALMATY. QazAqparat - Almatyda zeınetkerlerdi tonaýmen aınalysqan er adam ustaldy. 36 jastaǵy er adam egde tartqan áıel adamdardyń moınynan altyn alqalaryn julyp alyp otyrǵan, dep habarlaıdy QazAqparat tilshisi.
«Kúdikti egde tartqan áıel adamdardy úıdiń kireberisine deıin ańdyp kelip otyrǵan. Kireberiske jetken soń áıelderdiń sómkesin aqtaryp jatqanyn paıdalanyp altyn buıymdy julyp alyp qashady eken. Árıne, qart kisiler ony ustaı almaıdy. Keıinnen ol bul altyndardy lombardqa aparyp ótkizedi eken. Kúdiktiniń buǵan deıin de tonaýshylyqpen aınalysqany anyqtaldy», - dedi qalalyq baspasóz qyzmetinen.
Qalalyq polıtsııa bul azamattyń áreketinen japa shekken adamdar bolsa polıtsııaǵa habarlasýyn suraıdy.
