Almatyda 36 jańa ýchaskelik polıtsııa pýnkti ashylady
Qalalyq Polıtsııa departamentinen málim etkendeı, Almaty polıtsııasy qala ákimdiginiń qoldaýymen ýchaskelik polıtsııa ınspektorlarynyń jumysyn jaqsartýdyń úsh jyldyq keshendi josparyn jasady, sonyń ishinde 36 polıtsııa pýnktine ǵımarat bóldi.
«Memleket basshysy óz Joldaýynda reformalar men «polıtsııa jaqyn mańda» qaǵıdaty boıynsha jumysty uıymdastyrý qajettigin atap ótti, munda basty ról ýchaskelik polıtsııa qyzmetkerine júkteledi, ol turǵyndaryna jaqyndaı túsýi kerek, tanymal, qoljetimdi, azamattar úshin bedeldi jáne olardyń quqyqtaryn qorǵaıtyn bolýy tıis. Osy qaǵıdany júzege asyrý úshin biz ýchaskelik polıtsııa pýnktterine qajetti ǵımarat joq jerlerde 36 oryndy anyqtadyq. Qarqyndy damýdy jáne Almaty oblysynyń birqatar eldi mekenderiniń qalaǵa qosylýyn eskersek, búgingi tańda bul kezek kúttirmeıtin qajettilik. Polıtsııanyń jańa pýnkteriniń ashylýy polıtsııanyń turǵyndarmen qaýipsizdigin qamtamasyz etý máselelerindegi ózara is-qımylyna oń áser etedi», – dedi Almaty qalalyq Polıtsııa departamentiniń bastyǵy Qanat Taımerdenov.
Sonymen qatar, ol keshendi jospar úsh kezeńde júzege asyrylatynyn jáne 2021, 2022, 2023 jyldarǵa arnalǵandyǵyn atap ótti.
Barlyǵy 36 jyljymaıtyn múlik nysandaryn satyp alý josparlanýda, onyń 19-y salynyp jatqan turǵyn úı keshenderinen ýchaskelik polıtsııa pýnkterine jáne taǵy 17-si jeke sektorda.