Almatyda 36 gradýsqa deıin ystyq bolady
17 shilde kúni Almatyda synap baǵanasy 36 gradýsqa deıin kóteriledi.
Osyǵan baılanysty TJD tómendegi qaýipsizdik sharalaryn saqtaýdy usynady:
– kún sáýlesi tikeleı túsetin jerlerde múmkindiginshe az bolýǵa tyrysyńyz. Esińizde bolsyn, saǵat 12:00-den 16.00-ge deıingi ýaqytta kúnniń sáýlesi belsendi bolady. Deneni kún sáýlesinen qorǵap, jabyq kıim kıińiz jáne kúnnen qorǵaıtyn jaqpalar qoldanyńyz;
–ishimdik ishpeńiz – alkogol ystyqta aǵzaǵa tez áser etedi jáne dene joǵary temperatýraǵa sezimtal bolady;
– suıyqty (salqyndatylǵan sý, mıneraldy sý) múmkindiginshe kóp ishińiz;
– denege salmaq túsirmeńiz. Artyq júkteme ystyqta jylý almasýdy arttyrady da aǵzany sýsyzdanýǵa ákep soqtyrady;
– avtokólikpen uzaq sapardy shekteýińiz kerek. Eger bul múmkin bolmasa, jolda múmkindiginshe abaı bolyńyz. Sebebi, qatty ystyqtan kóńil kúı tómendep, adam ózin-ózi nashar sezinýi múmkin jáne aınalaǵa reaktsııa tómendeıdi;
–balalardy kóliktiń ishine az ýaqytqa bolsa da qaldyrmańyz. Qatty ystyqtan bala esinen tanyp qalýy múmkin;
- eger tótenshe jaǵdaıǵa tap bolsańyz jáne ómirińizge qaýip tónse, «112», «101» biryńǵaı qutqarý qyzmetine qońyraý shalyńyz (qońyraý shalý tegin).
«Ystyq aýa raıy, ásirese júrek-qan tamyrlary aýrýlarymen, arterııalyq gıpertenzııamen aýyratyn adamdar úshin, sondaı-aq ınfarkt pen ınsýlt qaýpi bar adamdarǵa óte qaýipti»,- dep eskertti qalalyq Tótenshe jaǵdaılar departamentinen.
