Almatyda 356 adamdy kene shaqty
ALMATY. QazAqparat - Almatyda 356 adamdy kene shaqty. Bul týraly Óńirlik kommýnıkatsııalar qyzmetinde ótken brıfıngide qalalyq Sanıtarııalyq-epıdemıologııalyq baqylaý departamentiniń basshysy - Almaty qalasynyń bas sanıtarlyq dárigeri Qasymhan Alpysbaıuly málim etti, dep habarlaıdy QazAqparat tilshisi.
Spıkerdin sózinshe, Almatyda medıtsına mekemelerine kene shaqqan 356 turǵyn júgingen. Onyń ishinde 1 adamnan kene entsefalıti tabyldy.
«Apta saıynǵy monıtorıng derekteri boıynsha bıylǵy epıdemııalyq maýsym bastalǵaly qalanyń medıtsına uıymdaryna kene shaqqan 356 adam júgindi, onyń 187-si – bala. Kórsetkish 2022 jyldyń sáıkes kezeńimen salystyrǵanda 1,5 esege azaıǵan. Zardap shekkenderdiń barlyǵyna kenege qarsy ımmýnoglobýlın engizý arqyly shuǵyl kómek der kezinde kórsetildi»,- dedi ol.
Qasymhan Alpysbaıulynyń aıtýynsha, kene entsefalıtinen qorǵanýdyń eń tıimdi ádisi – kene entsefalıtine qarsy vaktsınatsııa.
«Qalada ekpelerdi turǵylyqty jeri nemese tirkelgen jeri boıynsha qalalyq emhanalarda dárigermen keńeskennen keıin tegin alýǵa bolady. Vaktsınatsııa kýrsy 1-7 aı aralyǵynda júrgizilip, 2 ekpe alýdan turady. Vaktsınatsııany jyl boıy, sonyń ishinde epıdemııalyq maýsymda júrgizýge bolady. Birinshi jáne ekinshi egý arasyndaǵy eń ońtaıly aralyq 5-7 aı (kúz-qys aılary). Epıdemıologııalyq maýsymda kene entsefalıtiniń oshaǵyna barýǵa ekinshi vaktsınatsııadan keıin 2 aptadan keshiktirmeı ruqsat etiledi», - dep túsindirdi spıker.
Revaktsınatsııa jylyna bir ret vaktsınatsııa kýrsy aıaqtalǵannan keıin júrgiziledi. Keıingi revaktsınatsııa úsh jylda bir ret júrgiziledi. Nusqaýlarǵa sáıkes, kene entsefalıtine qarsy vaktsına alý 3 jastan asqan balalarǵa jáne eresekterge usynylady.
