Almatyda 35 jastaǵy áıel alǵash ret jeke kýálik aldy
ALMATY. QazAqparat - Almaty polıtsııasy 35 jastaǵy áıelge jeke kýálik alýǵa kómektesti, dep habarlaıdy QazAqparat tilshisi.
Aısara Rysaqova eshqashan jeke basyn kýálandyratyn qujat alǵan emes.
«Birneshe aı buryn bul áıel bizden kómek surady. Bala kezinde jetim qalǵan. Týý týraly kýáligi joǵalǵan. Jyldar ótse de áıel qujattardy ýaqytynda toltyra almaǵan. Aısaranyń balalary da qujat almaǵan. Bul oqıǵany estigennen keıin, biz áıelge kómektesýdi birden maqsat etip qoıdyq. Birtindep qajetti qujattardy jınadyq, kóshi-qon qyzmetindegi áriptestermen birge Aısaraǵa qatysty málimetterdi rastadyq. Zańdy qoldaýdan basqa biz áıelge psıhologııalyq kómek te kórsetemiz. Birneshe aı boıy kúsh salǵannan keıin, Aısara alǵashqy qujatyn aldy. Endi áıel áleýmettik tólemder ala alady jáne turǵyn úı kezegine tura alady», – dedi Naýryzbaı aýdandyq polıtsııa basqarmasynyń bastyǵy Dıdar Ahanov.
Aısara Naýryzbaı aýdandyq ıývenaldy polıtsııanyń bastyǵy Nazym Qanaǵatovaǵa kómegi men adamgershiligi úshin alǵysyn bildirdi.
«Endi biz Nazym ekeýmiz qurby boldyq. Men oǵan durys baǵyt berip, qujattardy resimdeýge kómekteskeni úshin óte rızamyn», -dedi Aısara Rysaqova.
Áıel kámeletke tolmaǵan úsh bala tárbıelep otyr. «Otbasy keremet. Balalar árqashan toq, kıimi bar, mektepke barady. Men bos ýaqytym bolǵan kezde, túski as kezinde otbasyna baryp turamyn. Men kómektese alǵanyma óte qýanyshtymyn», – dedi Naýryzbaı aýdandyq PB ıývenaldy polıtsııa bóliminiń bastyǵy Nazym Qanaǵatova.
