Almatyda 35 tonna asfalt zaýytqa qaıtaryldy
ALMATY. QazAqparat - Almatyda Alataý ákimdigimen birge jol jóndeý jumystaryna monıtorıng júrgizý kezinde zań buzýshylyqtar anyqtaldy. Bul týraly qala qurylysyn baqylaý basqarmasynan málim etti, dep habarlaıdy QazAqparat tilshisi.
«Ýchaske asfaltbeton jabynyn tóseýge daıyn emes bolyp shyqty. Bul asfaltbeton jabynynyń sapasyna jáne ony odan ári paıdalaný merzimine áser etedi. Sondyqtan, asfalt tóseý jumystary ýaqytsha toqtatyldy jáne asfalt zaýytyna qaıtaryldy. Merdiger kompanııa jibergen qatelikterdi jáne eskertýdi 3-4 kún ishinde joıýy kerek», - dep habarlady basqarmadan.
Almaty qalasy qala qurylysyn baqylaý basqarmasy atap ótkendeı, zaýytqa 35 tonna asfalt qaıtaryldy.
Buǵan deıin, Almaty ákimi jol sapasyna baqylaý kúsheıtiletinin aıtqan bolatyn.
