Almatyda 35 myńǵa jýyq adam jumyspen qamtyldy

ALMATY. QazAqparat - Almatyda bir jyl ishinde 35 myńǵa jýyq adam jumyspen qamtyldy. Bul týraly onlaın brıfıng barysynda Almaty qalasynyń jumyspen qamtý ortalyǵynyń dırektory Dılıara Imanqulova aıtty, dep habarlaıdy QazAqparat tilshisi.

Onyń aıtýynsha, megapolıste nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy iske asyryldy.

«Bul baǵdarlama úsh baǵyt boıynsha júzege asyryldy. Atap aıtar bolsam. Eńbek naryǵynda talap etiletin mamandyqtar boıynsha qysqa merzimdi kásiptik oqytý. Oǵan 2020 jyly 1 005 adam jiberildi. Jappaı kásipkerlikti damytý,kredıtter men granttar berý boıynsha ótken jyly 1 705 memlekettik grant jáne 154 mıkrokredıt berildi»,- deıdi Dılıara Imanqulova.

«Eńbek» baǵdarlamasynyń úshinshi baǵyty mynadaı mindetterdi iske asyrýdy kózdeıdi:

1) jumyspen qamtýǵa járdemdesý;

2) eńbek resýrstarynyń utqyrlyǵyn arttyrý;

3) jumysqa ornalastyrý boıynsha biryńǵaı tsıfrlyq alańdy damytý.

«Baǵdarlamalar halyqty jumyspen qamtýdyń belsendi túrlerimen qamtýdy keńeıtýge múmkindik beredi. Jalpy, Almaty qalasynyń jumyspen qamtý ortalyǵymen 2020 jyly 34 855 adam jumysqa ornalastyryldy, onyń ishinde «Jumyspen qamtýdyń jol kartasy 2020» baǵdarlamasy aıasynda 10 958 adam jumysqa ornalastyryldy», - dedi ol.