Almatyda 35 adamǵa aǵza almastyrý operatsııasy jasaldy
ALMATY. QazAqparat - Almatyda MÁMS esebinen 35 adamǵa aǵza almastyrý operatsııasy jasaldy. Bul týraly «Áleýmettik medıtsınalyq saqtandyrý qory» KEAQ Almaty fılıaly dırektorynyń orynbasary Janar Kenjebaeva málim etti, dep habarlaıdy QazAqparat tilshisi.
«Ońtústik astanada jalpy quny 256,1 mln teńgeden asatyn 35 aǵza almastyrý operatsııasy jasaldy. Onyń ishinde 27 búırek-baýyr almastyrý operatsııasy da bar. Bir qaraǵanda, munyń bári jaı ǵana tsıfr bolyp kórinýi múmkin. Shyn máninde, saqtandyrylǵan azamattardyń qaltasynan shyǵatyn shyǵyn edáýir qysqaryp, olar qymbat turatyn qyzmetti tegin paıdalanyp otyr», - dedi Janar Kenjebaeva.
Aıtýynsha, jyl basynan beri almatylyqtarǵa mindetti áleýmettik medıtsınalyq saqtandyrý esebinen 52,8 mlrd teńgege medıtsınalyq kómek kórsetildi.
Buǵan deıin Qor ókili emdeý mekemelerine 265 mln teńge aıyppul salynǵany týraly aıtqan bolatyn.
