Almatyda 34,7 myń múmkinshiligi shekteýli azamat turady
ALMATY. 28 qarasha. QazAqparat /Erlik Erjanuly/ - Qazaqstanda BUU-nyń múgedekter men múmkindigi shekteýli azamattardyń quqyǵyn qorǵaý jónindegi halyqaralyq konventsııasy aıasynda
R Eńbek jáne halyqty áleýmettik qorǵaý mınıstrliginiń 2012-2018 jyldarǵa arnalǵan ulttyq baǵdarlamasyn qabyldaý máselesi qarastyrylyp jatyr. Bul týraly búgin Almatyda álsiz toptardyń azamattyq jáne adamı quqyqtaryn qorǵaýdyń tıimdi quqyqtyq jáne áleýmettik quraldaryn jasaý jónindegi baspasóz máslıhatynda aıtyldy.
«Bizdiń elimiz 2008 jyly BUU-nyń múgedekter men múmkindigi shekteýli azamattardyń quqyǵyn qorǵaý jónindegi halyqaralyq konventsııaǵa qosylǵan bolatyn. Endi ony 2012 jyly Parlament ratıfıkatsııalaýy kerek. Jalpy Almaty qalasynda 34,7 myń múmkinshiligi shekteýli azamat turady. Bul respýblıka halqynyń 7,2 paıyzyn quraıdy», - deıdi Almaty qalasynyń Eńbek jáne áleýmettik baǵdarlamalardy úılestirý basqarmasy bastyǵynyń orynbasary Jumanaláli Sákenov. Onyń aıtýynsha, múgedekter men múmkindigi shekteýli azamattardyń jaǵdaıyn jaqsartý men quqyǵyn qorǵaýdy Almatyda qala ákimi óz baqylaýynda ustap otyr. Quzyrly basqarma basshylary men úkimettik emes uıymdardyń ókilderinen qurylǵan Úılestirý keńesi jańadan salynyp jatqan ǵımarattardaǵy kópshilik oryndarda múmkindigi shekteýli jandarǵa barynsha múmkindik jasaýǵa tyrysýda.
J. Sákenovtyń sózine qaraǵanda, qazir jeke óndiris oryndary men memlekettik organdarda múmkindigi shekteýli jandardyń 3 paıyzyn eńbekpen qamtý jumysy júrgizilip jatyr. 2010 jyldan beri árbir múgedek azamatqa qosymsha kómekshi berilip, bıyl mamyr aıynan bastap múmkindigi shekteýli jandar bıýdjet arqyly tegin ınvotaksımen qamtamasyz etilýde. Sondaı-aq Eńbek jáne halyqty áleýmettik qorǵaý mınıstrliginiń bastamasymen 18-23 jas aralyǵyndaǵy múmkindigi shekteýli jas azamattardy bıyldan bastap ulttyq biryńǵaı test tapsyrýǵa daıyndaý baǵdarlamasy júzege asyrylýda.
