Almatyda 33 jastaǵy jigit qaýqarsyz ájelerdi tonap kelgen
ALMATY. QazAqparat - Almatyda qarııalardyń altyn buıymdaryn alyp ketip otyrǵan ury ustaldy. 33 jastaǵy er adam zeınet jasyndaǵy áıelderdiń qulaǵyndaǵy syrǵalary men alqalaryn julyp ketip otyrǵan. Bul týraly qalalyq ІІD baspasóz qyzmeti habarlady.
Qazirgi tańda 16 adam polıtsııaǵa shaǵymdanyp úlgerdi.
«OQO týmasy kóshedegi beınekamerasy joq jerlerdi ańdyp júrgen. Kári kisilerdiń art jaǵynan kelip altyn buıymdaryn alyp, qashyp ketip otyrǵan. Sońǵy ret ol podezd aldynda ájeıdiń syrǵasyn julyp jatqan jerde beınekameraǵa túsip qalǵan», - dedi Áýezov aýdandyq ІІB basshysynyń orynbasary Qumarbek Kenshinbaev.
Kúdikti qazir ýaqytsha oqshaýlaý ornynda qamaýda otyr.
