Almatyda 33 shaqyrym aspaly jol salynady
ALMATY. QazAqparat - Almaty turǵyndarynyń biri qala ákimine megapolıs kóshelerindegi júktemeni jeńildetý úshin qala ishinde aspaly jol salý týraly usynys aıtty, dep habarlaıdy QazAqparat tilshisi.
«Búgingi tańda qalanyń máselesi – tútin men kólik keptelisi ekeni bárimizge málim. Qalanyń kólik júıesin tolyǵymen almastyra alatyndyqtan, aspaly jol qurylysynyń jobasyn usynamyn. Bul joba ekonomıkalyq jáne ekologııalyq turǵydan tıimdi. Qymbat emes. Sondaı-aq kún batareıalaryn qoldanýǵa bolady», - dep usynys jasady er adam.
Erbolat Dosaev mundaı joba qalany damytý baǵdarlamasyna engizilgenin atap ótti.
«Almatynyń Damý baǵdarlamasynda 2030 jylǵa deıin qalada 33 shaqyrym aspaly jol salý bar. Osy joba boıynsha qosymsha usynystaryńyz ben ıdeıalaryńyz bolsa, usyna berińizder», - dep jaýap berdi Erbolat Dosaev.
