Almatyda 300 qoǵamdyq kólik júrgizýshisi jaýapqa tartyldy
ALMATY. QazAqparat - Almatyda «Avtobýs» jedel profılaktıkalyq sharasy barysynda jol júrý erejesin buzǵan 300 qoǵamdyq kólik júrgizýshisi jaýapkershilikke tartyldy, dep habarlady qalalyq ІІD jergilikti polıtsııasynyń baspasóz qyzmetinen.
«Reıd barysynda ınspektorlar kóliktiń tehnıkalyq ahýalyn, ról, tejegish, janarmaı júıesin tekseredi. Sonymen qatar, jolaýshylardy tasýǵa ruqsatynyń bar-joǵy anyqtalady», - dedi qalalyq ІІD jergilikti polıtsııa qyzmetiniń basshysy, podpolkovnık Jasulan Baıkenov.
Almaty qalasy jergilikti polıtsııasy qala turǵyndarynan qoǵamdyq kólikterdiń jol erejesin buzǵanyn baıqaǵan jaǵdaıda delta@police.kz elektrondy poshtasyna habarlasýyn suraıdy.
