Almatyda 300 gramm gashısh ótkizbek bolǵan qylmysker quryqtaldy
ALMATY. Qańtardyń 18-i. QazAqparat /Ádilet Musahaev/ - Almaty ІІB esirtki bıznesimen kúres basqarmasynyń qyzmetkerleri 300 gramm gashısh satpaq bolǵan qylmyskerdiń jolyn kesip, tabysty operatsııa ótkizdi,
dep habarlaıdy QazAqparat.
Polıtseıler birneshe apta buryn almatylyq 35 jasar azamattyń uzaq merzim boıy gashısh satýmen aınalysyp kele jatqandyǵy jaıly jedel aqparat alady. «Satyp alý» ádisin qoldanyp, jedel izdestirý sharalaryn ótkizý barysynda gashısh saýdageri qylmys ústinde quryqtaldy. Azamatty tárkileý barysynda odan gashıshi bar polıetılendi qap tabylǵan.
Belgili bolǵandaı bul azamat áldeneshe ret aýyr qylmystarǵa barǵandyǵy men esirtki satqany úshin buryn da jazalanǵan bolyp shyqty. Dál qazirgi ýaqytta onyń esh jerde jumys istemeıtindigi anyqtalǵan. Tergeý isi aıaqtalǵanǵa deıin ol ýaqytsha qamaý bólmesinde bolmaq. Onyń ústinen QR QK 259-shy baby boıynsha óte kóp mólsherde esirtki zattaryn satty degen aıyp taǵylýda.
Qazirgi ýaqytta qalanyń ІІB esirtki satýmen kúres basqarmasynyń qyzmetkerleri esirtki zattaryn satatyn arnalardy quryqtaý úshin jedel izdestirý sharalaryn júrgizip jatyr.
