Almatyda 300-ge jýyq aǵash ruqsatsyz kesilgen
ALMATY. QazAqparat - Almatydaǵy Jandosov kóshesiniń boıyndaǵy aǵashtar jappaı kesildi, dep habarlaıdy QazAqparat tilshisi.
Almatylyqtar áleýmettik jelide Jandosov - Navoı kósheleriniń qıylysynda aǵash kesilgenin aıtyp shaǵymdandy.
Osyǵan baılanysty Almaty qalasynyń jasyl ekonomıka basqarmasy túsinikteme berdi.
«Mamandar ekobelsendilermen birge oqıǵa ornyna bardy. Biraq, olardy aýmaqqa kirgizbedi. Dronnyń túsirgen vıdeosy boıynsha 300-ge jýyq aǵash ruqsatsyz kesilgen. Materıaldar tabıǵat qorǵaý prokýratýrasyna jiberiledi», - dep málimdedi basqarma.
Eske salsaq, jaqynda qala turǵyndary Medeý aýdanyndaǵy Kereı-Jánibek handar kóshesindegi aǵashtardyń kesilýine shaǵymdanǵan edi.
Ol aǵashtardyń arasynda Qyzyl kitapqa engenderi bar dep boljandy.
Keıinirek 300-ge jýyq aǵashtyń zańsyz kesilgeni týraly akt jasaldy.
