Almatyda 300-den astam nysan biregeı ǵımarattar katalogine engizildi
ALMATY. QazAqparat - Almatydaǵy biregeı ǵımarattar katalogine 300-den astam nysan engizildi, dep habarlaıdy QazAqparat tilshisi.
«Katalogke 300-den astam nysan engizildi. Birgeı ǵımarattardy anyqtaý jumystary áli de jalǵasýda. Olardy qaıta qalpyna keltirý máselesi qolǵa alyndy. Eń aldymen, ótken ǵasyrdyń 30-40 jyldary salynǵan úılerdiń qasbetteri jóndeledi»,–dedi onlaın brıfıng barysynda Almaty qalasy qalalyq Josparlaý jáne ýrbanıstıka basqarmasynyń basshysy Almashan Ahmedjanov.
Sonymen qatar, ol qaıta qalpyna keltirý kezinde ,ǵımarattyń tarıhı kórki saqtalatynyn atap ótti.
Aıta keteıik, Baqytjan Saǵyntaevtyń tapsyrmasy boıynsha tarıhı kórki saqtalýy tıis erekshe ǵımarattar men nysandardyń tizimi jasalady. Qalalyq josparlaý jáne ýrbanıstıka basqarmasy sáýlet eskertkishteri tizimine enýi tıis ǵımarattar boıynsha túsken usynystardy jınaý jobasyn iske qosqan bolatyn. Almatylyqtar saqtaýly tıis ǵımarat týraly aqparatty, aty-jóni men tegin, baılanys telefonyn, nysannyń mekenjaıy men sýretin almaty.uaig.kz saıtyndaǵy «Biregeı ǵımarattar katalogy» aıdaryna jibere alady.
