Almatyda 30-dan astam elden kelgen delegattar tamaq qaýipsizdigin talqylap jatyr

Sharaǵa Eýropanyń 38 elinen, AQSh, Afrıka jáne Azııadan eki júzge jýyq delegat qatysýda.

Uıymdastyrýshylardyń aıtýynsha, sheteldik qonaqtardyń nazaryna qazaqstandyq óndirýshilerdiń kórmesi uıymdastyrylady. Kórmege sút ónimderi qoıylatyn bolady. (keptirilgen bıe súti (Saýmal), untaqtalǵan túıe súti, qymyz jáne t.b.) Omarta sharýashylyǵynyń ónimderi de kórme sóresinen tabylady. Sondaı-aq, «Ulytaý» salaýatty tamaqtaný ulttyq ortalyǵy bıe sútinen ázirlengen shokoladty usynbaq.

Eýropalyq aımaq - 1963 jyly qurylǵan «Alımentarıýs kodeksi» komıssııasyn quraıtyn 6 aımaqtyń biri. Onyń quramyna 188 memleket jáne 1 uıym kiredi (Eýropalyq Odaq).

«Alımentarıýs kodeksi» - bul bir formatta usynylǵan shıkizat pen óńdelgen taǵamdarǵa arnalǵan halyqaralyq standarttardyń jıyntyǵy. Bul standarttar tutynýshylardyń densaýlyǵyn qorǵaýǵa jáne azyq-túliktiń adal saýdasyn qamtamasyz etýge arnalǵan. Kodeks halyqaralyq saýdany damytý úshin úılesimdilik deńgeıin arttyrýǵa kómektesedi jáne saýda daýlaryn sheshýde mańyzdy ról atqarady. Eýropa elderine jáne Alımentarıýs kodeksi talaptaryn qabyldaǵan basqa elderde azyq-túlik tizbeginiń barlyq kezeńderinde tamaq ónimderiniń ımporty men eksportyn sertıfıkattaýdy baqylaý týraly erejeler bar ». - dedi QR Densaýlyq saqtaý vıtse-mınıstri Lázzat Aqtaeva.

Onyń pikirinshe, «Alımentarıýs kodeksi» standarttary tamaq ónimderimen qamtamasyz etý jáne tamaq ónimderiniń adal halyqaralyq saýdasyn damytý qaýipsizdiginiń kepili bolyp tabylady.

Basqosý barysynda qatysýshylar eldiń eksporttyq áleýetin arttyrý, otandyq ónimdi álemdik naryqqa shyǵarý jáne halyqaralyq jahandyq ekonomıkaǵa ıntegratsııalaý, sondaı-aq bıznesti barynsha qolaıly júrgizý úshin taǵamdyq standarttardy úılestirýmen qoldaný bóliginde Kodekstiń quraldaryn qoldaný máseleleri boıynsha pikir almasty.

Shara bes kúnge sozylady.