Almatyda 3 úzdik otbasy anyqtalady
ALMATY. QazAqparat - Almatyda 14 januıa «Mereıli otbasy» baıqaýyna qatysýda. Ótinish bergen otbasylardyń ishinde dárigerler, sportshylar, ánshi-akterler, kásipkerler bar.
Almaly aýdanynan dárigerler otbasy iriktelip alynsa, Bostandyq aýdanynan sportshy otbasy tańdaldy. Medeý aýdanynyń namysyn tyl eńbekkeri men akademık-ǵalymdar qorǵaıtyn bolady.
Olardyń ishinde Qazaqstannyń belgili alpınıst sportshysy Maqsut Jumaevtyń, akademık Serik Qırabaevtyń, «Nysana» teatrynyń negizin qalaýshy akter Ábýnasyr Serikovtiń, belgili ánshiler áýleti - Dáribaevtardyń otbasylary usynyldy.
Baıqaýdy ótkizý jónindegi qalalyq ákimdik janynan qurylǵan komıssııa músheleri otbasylardyń ulttyq erekshelikterine, bala sanyna, bir shańyraq astynda qansha jyl ómir súrip jatqanyna, kásibine, eline sińirgen eńbegine basa nazar aýdardy.
«Baıqaýdy uıymdastyrýdaǵy maqsat ónegeli qundylyqtardy jańǵyrtý, erli-zaıyptylyq jaýapkershiliginiń mańyzdylyǵyn moıyndaý, otbasylyq qundylyqtardy dáripteý, balalardy tárbıeleýde ata-ananyń jaýapkershiligin arttyrý, sondaı-aq, qazaqstandyq otbasynyń jaǵymdy ımıdjin nasıhattaý edi. Biz maqtanysh tutatyn úlgili otbasylar Almatyda kóp. Bizdiń komıssııa úzdik dep tapqan otbasylar respýblıkalyq baıqaýda Almatynyń namysyn qorǵaıtyn bolady», - dedi qala ákiminiń orynbasary Záýresh Amanjolova.
«Mereıli otbasy» ulttyq konkýrsy Qazaqstan Respýblıkasy Prezıdentiniń 2013 jylǵy 6 jeltoqsandaǵy № 250 «Mereıli otbasy» ulttyq konkýrsy týraly» ókimine sáıkes ótkizilmek.
Komıssııa músheleri atalǵan otbasylarǵa qupııa túrde daýys berdi. Endigi kezekte usynylǵan 14 otbasynyń ishinde 3 úzdik otbasy iriktelip alynady. Kimniń qara úzgendigin 22 mamyrda qala basshysy Ahmetjan Esimov jarııalaıtyn bolady.
