Almatyda 3 úıge termojańartý jasaldy - Q.Nurqadilov
MATY. 4 qazan. QazAqparat /Ádilet Musahaev/ - «Almaty» ÁÁK UQ» AQ bólgen qarjymen 3 úıge termojańartý jasaldy. Olar bul jumysqa 120 mıllıon teńge bólip otyr.
Bul jaıynda búgin Almaty qalasy Turǵyn úı basqarmasynyń bastyǵy Qaırat Nurqadilov málim etti.
Mundaı jumystar Manas kóshesi boıyndaǵy №9, Baıtursynov kóshesindegi №79, 12, móltekaýdandaǵy №2 úılerge jasalýda eken. «Qazir olardyń jobalaý-smetalyq qujattary jasalýda», -deıdi ol.
Esterińizge sala ketsek, Turǵyn úı-kommýnaldyq sharýashylyqty qaıta jańǵyrtý baǵdarlamasy Almatyda ústimizdegi jyldyń tamyz aıynda bastalǵan bolatyn. Bul jobaǵa ený úshin jeke páter ıeleri kondomınıým quryp, Turǵyn úı basqarmasyna tirkeýden ótýleri tıis. Kondomınıým esebin jyldyq 0,3 paıyzben «Qazposhta» óz moınyna alsa, páter ıeleri kúrdeli jóndeýdiń jalpy somasynyń bir bóligin jınaýlary kerek. Tek osydan keıin ǵana memleket qaıtarma aqshany birtindep bere alady.
