Almatyda 3 oqýshy batyp ketken sý qoımasy qorshalady
ALMATY. QazAqparat – Almaty qalasynyń Alataý aýdany Terekti aýylyndaǵy sý qoımasy qorshalatyn boldy. Bul sý qoımasyna mektepke bara jatqan 3 oqýshy batyp ketken bolatyn, dep habarlaıdy QazAqparat tilshisi.
«Búginde barlyq sý qoımalary boıynsha sanaq júrip jatyr. Balalarǵa kelýge tyıym salynady degen belgiler jasalyp jatyr. Bizde jumys toby quryldy. Bolashaqta sý qoımalaryn qorshaıtyn bolamyz. Biraq qalaı ekenin ázirge talqylap jatyrmyz», - dedi Alataý aýdanynyń ákimi Azamat Qaldybekov qoǵamdyq keńeste ótken jıyn barysynda.
Aıta ketý kerek, 13 aqpanda 13 jastaǵy úsh oqýshy Denıs Melnıkov, Vadım Sızov, Sabyr Dúıseǵalıev muzy juqa kóldiń ústimen júremiz dep sýǵa ketken bolatyn.
Qaıǵyly oqıǵa boıynsha polıtsııa tergeýdiń bastalǵanyn habarlady.
