Almatyda 3 myńnan astam adam Pfizer vaktsınasyn aqyly túrde alýǵa ótinish bildirdi

ALMATY. QazAqparat – Búgingi kúni Almatyda 3279 adam Pfizer vaktsınasyn aqyly túrde alýǵa ótinish bildirdi. Bul týraly brıfıng barysynda Almaty qalasy qoǵamdyq densaýlyq saqtaý basqarmasy basshysynyń orynbasary Laýra Myrzaǵalı málim etti, dep habarlaıdy QazAqparat tilshisi.

Spıkerdiń sózinshe, qazirgi tańda Pfizer vaktsınasyn aqyly túrde saldyrý boıynsha aldyn ala tirkeý qaladaǵy 3 emhana júrgizilip jatyr.
№5 Qalalyq emhana – 8 (727) 344 98 04 nemese 8 707 101 28 93, 8 707 931 92 63 (WhatsApp), mekenjaıy: Almaty q. Almaly aýdany, Maqataev kóshesi, 141.
№7 Qalalyq emhana – 8 (727) 376 33 99 nemese 8 701 111 61 81 (WhatsApp), mekenjaıy: Almaty q. Bostandyq aýdany, Buhar jyraý kóshesi, 14.
№5 Qalalyq klınıkalyq aýrýhana – 8 (727) 264 72 64 nemese 8 747 263 72 46 (WhatsApp), mekenjaıy: Almaty q. Medeý aýdany, Dostyq dańǵyly, 220.
« Búgingi kúnge dıin 3279 adam Pfizer vaktsınasyn aqyly túrde alýǵa ótinish berip, aldyn ala jazylyp qoıdy. Vaktsına Densaýlyq saqtaý mınıstrligi ruqsat bergen kezde salynady. Aqyly túrde salynatyn vaktsınanyń baǵasy áli resmı bekitilgen joq. Densaýlyq saqtaý mınıstrliginen buıryq kútip otyrmyz», – dedi Laýra Myrzaǵalı.