Almatyda 3 myńǵa jýyq turǵyn QazVac vaktsınasyn saldyrdy

ALMATY. QazAqparat - Almaty qalasynda bir táýlikte 3053 adam koronavırýsqa qarsy vaktsına saldyrdy, dep habarlaıdy QazAqparat tilshisi.

Qalalyq qoǵamdyq densaýlyq saqtaý basqarmasy taratqan málimetke sáıkes, 11 mamyr kúni 3 053 almatylyq vaktsına saldyrdy.

Bıylǵy jyldyń 1 aqpany men 12 mamyr aralyǵynda qalada barlyǵy 302 985 adamǵa ekpe salyndy.

Vaktsına egilgender arasynda 60 jastan asqan qart kisilerdiń úlesi - 30 382.

«Jalpy dozadan qazaqstandyq QazVac vaktsınasy 3 000 danasyn quraıdy, ıaǵnı, 17 kúnniń ishinde 2 990 adam vaktsına aldy. 3 mamyr kúni qytaıdyń Sinopharm vaktsınasy 15 000 dozasy jetkizildi, onyń birinshi komponenti boıynsha 1 514 adamǵa vaktsına egildi» - dep atap ótti basqarmadan.

Búgingi kúni qalada 214 pýnkt jumys istep tur. 1 282 adamnan turatyn 315 egý brıgadasy bar.

Sonymen qatar, 40 kóshpeli mobıldi brıgada uıymdastyryldy.

«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady qoǵamdyq densaýlyq saqtaý basqarmasy.