Almatyda 3 myń bala jazǵy lagerde tegin demalady
ALMATY. QazAqparat- Bıyl 3 myń áleýmettik turmysy tómen jáne kópbalaly otbasynyń balalary saýyqtyrý lagerlerinde tegin demalatyn bolady, dep habarlaıdy QazAqparat tilshisi.
«Bıyl áleýmettik turmysy tómen, kópbalaly otbasylardyń balalary, erekshe bilim alýdy qajet etetin jáne ata-anasynyń qamqorlyǵynsyz qalǵan 3 myńnan astam oqýshyny qala syrtyndaǵy tegin jazǵy lagermen qamtý josparlanýda. Qazirgi ýaqytta balalardyń jazǵy demalysyn uıymdastyrý úshin tehnıkalyq spetsıfıkatsııa ázirlenip, konkýrs jarııalandy. Erekshe bilim berý qajettilikteri bar balalarǵa arnalǵan psıhofızıkalyq erekshelikterin eskeretin tehnıkalyq spetsıfıkatsııa da daıyndaldy»,- dep jaýap berdi qalalyq ákimdik QazAqparat joldaǵan saýalǵa.
Budan bólek, mektep janyndaǵy lager uıymdastyrylady. Oǵan 100 myńnan astam bala barady.
Eske salaıyq, koronavırýs pandemııasyna baılanysty oqýshylar eki jyl boıy lagerge barǵan joq.
