Almatyda 3 qabatty ǵımarattyń mansardy túgel órtenip ketti
ALMATY. QazAqparat - Almatyda Bostandyq aýdanynda 3 qabatty ǵımarattyń mansardy túgel órtenip ketti, dep habarlaıdy QazAqparat.
Qalalyq TJD baspasóz qyzmetiniń málimdeýinshe, Ulan kóshesindegi 37 úıdiń shatyrynyń janyp jatqany týraly habarlama tańǵy 9:33-te túsken. Órtti sóndirýge 71 adam, 21 tehnıka jumyldyryldy. Ol óte kúrdeli derejedegi órt dep belgilendi. Óıtkeni alapat jalyndy aýyzdyqtaý úshin órt sóndirýshiler eki ýchaskege bólinip jumys jasady.
Órtten ǵımarattyń ústińgi mansard qabaty tolyq janyp ketti. Qyzyl jalyn 400 sharshy metrge jýyq aýmaqty jaramsyz etti.
Tilsiz jaýdan 20 adam qaýipsiz jerge kóshirilip, 1 adam qutqaryldy.
