Almatyda 3-Halyqaralyq bilim forýmy ótedi
ALMATY. 1 sáýir. QazAqparat /Erlik Erjanuly/ - Almatyda 9-10 sáýir kúnderi 3-Halyqaralyq bilim forýmy ótedi. Ony «Intellekt» konsýltatsııalyq-bilim agenttigi uıymdastyryp otyr.
Bul shara ata-analarǵa óz balalaryna bilim berý mekemelerin saýatty túrde durys tańdaýyna múmkindik bermek. Byltyr bul forýmǵa 22 ýnıversıtet, 14 pansıon-mektep pen kolledj, 5 til ortalyǵynyń ókilderi qatysqan bolatyn. Uıymdastyrýshylar bıyl qatysýshylardyń sany byltyrǵydan da kóp bolady dep josparlap otyr. Forým baǵdarlamasyna alǵashqy kúni pansıon-mektepter men kolledjderdegi tálimgerlerdiń ata-analary jáne ýnıversıtetterdegi shákirtterdiń ata-analaryna arnalǵan konferentsııalar, «Shetelde bilim alý» kórmesi josparlanyp otyr. Kórmege álemniń 10 elinen 40-tan astam oqý oryndary qatyspaqshy. Al kelesi kúni onda sheberlik dáristeri, semınarlar jáne «Halyqaralyq mansapqa qalaı daıyndalýǵa bolady: sátti túıindeme jáne suhbat», «A-level qıyndyqtar IELTS tapsyrý», «Dıplomnan keıingi bilim», «Bıznes dáreje: jańasha oılaý», paıymdaý», «Nelikten Ulybrıtanııada oqý kerek? bilim, mádenıete, 2012 jylǵy Londondaǵy Olımpıada oıyndary jáne LISC» degen taqyryptarda ashyq dárister ótkizilgeli otyr.
