Almatyda 3 adamǵa pyshaq salǵan adam ustaldy
ALMATY. QazAqparat - Almatyda úsh adamǵa pyshaq salǵan adam izi sýymaı ustaldy, dep habarlaıdy QazAqparat tilshisi.
Túrksib aýdanynda santehnık bolyp jaldanǵan er adam áıeldi pyshaqtap, onyń anasyn jaralaǵan. Sonymen qatar, artynan kórshisine pyshaq ala júgirgen.
«Belgili bolǵandaı, olar ýaǵdalasqan eńbekaqysyna kelispeı qalǵan. Urystyń arty janjalǵa ulasqan. 32 jastaǵy áıel sol jerde kóz jumǵan. Onyń 63 jastaǵy anasy men 35 jastaǵy kórshisi shuǵyl túrde aýrýhanaǵa jatqyzyldy. 43 jastaǵy kúdikti oqıǵa ornynan taıyp turǵan. Ýchaskelik ınspektor ony jaqyn jerden taýyp alǵan. Qazir polıtsııa bul derek boıynsha sotqa deıingi tergeý amaldaryn júrgizip jatyr»,- dedi Túrksib aýdandyq PB basshysy Tanat Nazanov.
