Almatyda 3,4 myń ata-ana ákimshilik jaýapkershilikke tartyldy
Almaty qalalyq Polıtsııa departamentiniń málimetinshe, jasóspirimder arasyndaǵy qylmys 37,4% tómendedi, aýyr qylmys túrleriniń sany 31,6% tómendesa, asa aýyr qylmystarǵa jol berilmedi. Taldaý kórsetkendeı, qylmystardyń jartysynan kóbin basqa qalalardan kelgen jasóspirimder jasaǵan. Sonymen qatar, kámeletke tolmaǵandarǵa qarsy jasalǵan qylmystar sany 48,8% azaıdy.
«Kámeletke tolmaǵandar arasyndaǵy quqyq buzýshylyqtyń aldyn alý maqsatynda múddeli memlekettik organdardyń, qoǵamnyń jáne buqaralyq aqparat quraldarynyń qatysýymen jeti jalpyqalalyq jedel-aldyn alý is-sharalary ótkizildi – «Jasóspirim», «Demalys», «Qaýipsiz mektep», «Jaqsylyq bárine qoljetimdi», nátıjesinde 396 jasóspirim men 340 qolaısyz otbasy anyqtalyp, ishki ister organdaryna tirkeýge qoıyldy. Kámeletke tolmaǵandardy beıimdeý ortalyǵyna qaraýsyz qalǵan 210 bala ornalastyryldy», – dedi Almaty qalalyq Jergilikti polıtsııa qyzmeti basqarmasynyń bastyǵy Manap Sattarov.
Sonymen qatar, ol 3 420 ata-ana ákimshilik jaýapkershilikke tartylǵanyn aıtty. Sebebi, olardyń kámelettik jasqa tolmaǵan balalary túngi ýaqytta kóshede júrgen.