Almatyda 29 memlekettik kásiporyn jumys jasap jatyr

Ony qalalyq qarjy basqarmasynyń bastyǵy Aıman Ábdiqadyrova búgin máslıhat tyńdaýynda aıtty.

«2010 jyly jarǵylyq kapıtaldaǵy «Taýar sapasyn synaý ortalyǵy» JShS-niń 25 paıyzy 257 76 teńgege, «Jaılaý kompanııasy» JShS-niń 70 paıyzy 1 692 751 teńgege, «Altyn dıirmen» korporatsııasy» AQ-nyń 1 824 jaı aktsııasy (0,628%) 2 475 133 teńgege jáne «TsentrKredıtBank» AQ-nyń 5500 jaı aktsııasy (0,003%) 3 219 590 teńgege satylǵan. «Almaty Sáýlet Kadastr Ortalyǵy» JShS taratyldy. Al «Almaty» telekompanııasy» JShS-in taratý úderisi aıaqtalýda», - deıdi Aıman Ábdiqadyrova.

Onyń aıtýynsha, qazir «№3 avtobýs parki» AAQ-yn taratý jáne onyń aktıvterin «Almatyqalakólik ortalyǵy» JShS-na berý úderisi de odan ary jalǵasýda. Byltyr sondaı-aq, «Almatyqalakólik ortalyǵy» JShS-ne byltyr «№7 avtobýs parki» JShS-degi memlekettik úlestiń 49 paıyzy senimdi basqarýǵa berilgen bolatyn. Jalpy búgingi tańda qalada zańdy tulǵalar boıynsha jarǵylyq kapıtalyna memleket qatysqan kommýnaldyq menshiktegi 8 jaýapkershiligi shekteýli seriktestik pen 5 aktsıonerlik qoǵam bar. 2010 jyly jalpy 314 memlekettik kásiporyn qarjylyq-sharýashylyq qyzmetin júrgizdi. Onyń 274-i ujymdyq basqarýda, 40-qy sharýashylyq júrgizý quqynda.

«Esepti jyl basynda sharýashylyq júrgizý quqyndaǵy 29 memlekettik kásiporyn jumys jasady. Jyl ishinde memlekettik kásiporyndardan jedel basqarýda - 10 (9-y densaýlyq, bireýi jumyspen qamtý jáne áleýmettik baǵdarlamada), qaıta qurylǵan 1 ( Almaty jylý holdıngi» MKK), tórteýi qosyldy, bireýi joıylý úderisinde. Sonyń nátıjesinde kásiporyndar sany 38-di qurady. Bul kásiporyndardyń birinshi basshylarynyń esebin tyńdaý kezinde, sharýashylyq júrgizý quqyndaǵy 12 kásiporyn jumysynyń shyǵyndy ekeni anyqtaldy. Shyǵyn kólemi 2009 jyly - 1185,7 myń teńge, al 2010 jyly 1186,9 myń teńgeni qurap otyr », - deıdi A.Ábdiqadyrova.