Almatyda 29 qańtarda Ýnıversıadaǵa qatysýshy elderdiń delegatsııasyn akkredıtteý sharasy bastalady
ALMATY. QazAqparat- Almatyda erteń - 29 qańtarda qysqy Ýnıversıada oıyndaryna qatysýshy elderdiń delegatsııa quramyn akkredıtteý sharasy bastalady. Bul týraly búgin Almaty qalasy ákimdiginde ótken arnaıy jıyn barysynda 2017 jylǵy qysqy Ýnıversıadaǵa daıyndalý jáne ony ótkizý boıynsha Dırektsııa basshysy Áset Ábdýálıev málim etti.
«Shet eldik ulttyq stýdenttik sport federatsııalaryna oıyndarǵa qatysý jóninde hattar jóneltildi. Ýaqyt tártibine sáıkes, oıyndar bastalǵanǵa deıin bir jyl buryn, Ýnıversıadanyń resmı saıtynda delegatsııalardy akkredıtatsııalaý sharasy bastalady», - dedi Á. Ábdýálıev.
Ol sonymen qatar, jarystarǵa 55 elden 2 myńdaı sportshy qatysatyndyǵyn jetkizdi.
«Ýnıversıada oıyndaryn tamashalaýǵa shet elderden 30 myńnan astam qonaqtar men týrıster keledi dep kútilýde. Olarǵa qyzmet kórsetýge 3 myń volonter jumyldyrylady», - dedi Dırektsııa jetekshisi.
Aıta ketelik, qysqy Ýnıversıada oıyndary 2017 jyly 29-shy qańtar men 8-shi aqpan aralyǵynda ótedi. Segiz nysanda sporttyń 12 túrinen jarystar ótedi.
