Almatyda 29 qańtarda sabaq toqtylady
ALMATY. QazAqparat - Almatyda aýa raıyna baılanysty 29 qańtar, dúısenbi kúni 1-9 synyp oqýshylary úshin sabaq ótkizilmeıdi, dep habarlaıdy QazAqparat tilshisi qalalyq ákimdikke siltteme jasaı otyryp.
«2018 jyldyń 29 qańtarynda aýa temperatýrasy - 25 gradýstan tómen bolýyna baılanysty Almaty qalasy mekteriniń 1-9 synyp oqýshylary úshin sabaq toqtatylady», - delingen Almaty qalasynyń Bilim basqarmasy.
Aıta keteıik, Almatyda 24 qańtar kúni taý bókterindegi birqatar mektepte bastaýysh synyptar úshin sabaqtar toqtatyla bastady. 25 qańtar kúni 1-9 synyp, 26 qańtar 9-11 synyp oqýshylary (bastaýysh synyptar beskúndik oqý júıesinde - red ) úshin sabaq ótkizilmegen.
Eske sala keteıik, sınoptıkter Almatyda 26-28 qańtarda erekshe aıaz bolatynyn eskertken. Mamandardyń aıtýynsha, bul kúnderi aýa temperatýrasy kúndiz -25, túnde -36 gradýsqa deıin tómendeıdi. 26-synan, 27-sine qaraǵan túni -30 gradýstan tómen aýa raıy tirkeldi. Sınoptıkter Almatynyń aıazy aqpanda qaıta oralatynyn aıtqan.
