Almatyda 29 adam ata-ana quqyǵynan aıyryldy
Onyń sózinshe, Almatyda kámeletke tolmaǵandar arasyndaǵy quqyq buzýshylyqtyń aldyn alýdyń negizgi tetikteriniń biri – qala jáne aýdan ákimdikteri janyndaǵy kámeletke tolmaǵandar isteri men olardyń quqyqtaryn qorǵaý jónindegi vedomstvoaralyq komıssııalarmen ózara is-qımyl jasaý bolyp tabylady.
Jyl basynan bul komıssııalardyń otyrystarynda kámeletke tolmaǵandardyń múddesine qatysty 297 materıal qaralǵan.
«Nátıjesinde 29 almatylyqqa ata-ana quqyǵynan aıyrý túrindegi shekten tys shara qoldanyldy. 2 255 ata-ana bala tárbıeleý jónindegi mindetti tıisinshe oryndamaǵany úshin ákimshilik jaýapqa tartyldy. 12 jasóspirim devıantty minez-qulyqty balalarǵa arnalǵan arnaıy bilim berý uıymyna, kámeletke tolmaǵan bir jasóspirim erekshe rejımdegi arnaıy bilim berý uıymyna jiberildi», – dedi ol.